Gjykata e LartëKolegji Administrativ i Gjykatës së Lartë, në datën 04.02.2026, mori në shqyrtim në dhomë këshillimi çështjen administrative nr. 35008-00053-00-2026 akti, që u përket palëve: Kërkues: Gjykata Administrative e Apelit, Objekti: Zgjidhjen e mosmarrëveshjes së kompetencës lëndore, Baza Ligjore: Nenet 13, të ligjit nr. 49/2012 “Për gjykatat administrative dhe gjykimin e mosmarrëveshjeve administrative”, i ndryshuar, në çështjen administrative me palë: Kërkues: F. B., Person i Tretë: Ndërmarrja e Shërbimeve Mbështetëse të Arsimit dhe Çerdhes, Bashkia Korçë, Komisionieri për Mbrojtjen nga Diskrimini, me pjesëmarrjen e Avokaturës së Shtetit dhe Objekt: Ndihmë juridike dytësore.
Kolegji Administrativ i Gjykatës së Lartë, në bazë të neneve 58 dhe 62/a të ligjit nr. 49/2012 “Për Gjykatat Administrative dhe Gjykimin e Mosmarrëveshjeve Administrative” (i ndryshuar), në përfundim të shqyrtimit, vendosi:
Kalimin e çështjes administrative nr.35008-00053-00-2026 akti për shqyrtim në seancë gjyqësore nga Kolegji Administrativ i Gjykatës së Lartë, i përbërë nga 5 gjyqtarë. Çështja që shtrohet për njësim është:
- Cila është gjykata kompetente për shqyrtimin e kërkesës për dhënien e ndihmës juridike dytësore, sipas ligjit nr.111/2017 “Për ndihmën juridike të garantuar nga shteti”, kur çështja në themel ndodhet për gjykim në Gjykatën Administrative të Apelit ose në Gjykatën e Lartë.
Seanca gjyqësore do të zhvillohet në datë 17.03.2026,ora 11:00